МОНГОЛ УЛСЫН ТЭРГҮҮН ШАДАР САЙД Н.УЧРАЛ ӨМӨЗО-НЫ НАМЫН ХОРООНЫ НАРИЙН БИЧГИЙН ДАРГА, АРДЫН ИХ ХУРЛЫН БАЙНГЫН ХОРООНЫ ДАРГА СҮН ШАОЧӨН-ТЭЙ УУЛЗАВ

Монгол Улсын Тэргүүн Шадар сайд бөгөөд Эдийн засаг, хөгжлийн сайд Н.Учрал БНХАУ-ын ӨМӨЗО-ны Хөххотод болж буй “Монгол-Хятадын 5 дахь удаагийн ЭКСПО”-д оролцох үеэрээ энэ сарын 25-ны өдөр ӨМӨЗО-ны намын хорооны нарийн бичгийн дарга, Ардын Их Хурлын Байнгын хорооны дарга Сүн Шаочөн-тэй уулзав.

Уулзалтаар Монгол Улс, БНХАУ-тай хийж буй худалдаанд ӨМӨЗО голлох үүрэг гүйцэтгэдэг болохыг онцолж, цаашид боомтын нэвтрүүлэх хүчин чадлыг нэмэгдүүлэх, хилийн боомтын холболтыг урагшлуулах, сэргээгдэх эрчим хүчний салбарын хамтын ажиллагааг өрнүүлэх, хоёр талын худалдааг нэмэгдүүлэх зэрэг асуудлаар санал солилцов.