ЭЛЧИН ЗӨВЛӨХ Г.БУМЦЭНД ОЛОН УЛСЫН УС-ОРЧНЫ ИНЖЕНЕРЧЛЭЛ, СУДАЛГААНЫ ХОЛБОО (IAHR)-НЫ ЕРӨНХИЙЛӨГЧ ФИЛИПП ГУРБЕСВИЛИЙГ ХҮЛЭЭН АВЧ УУЛЗАВ

Монгол Улсаас БНХАУ-д суугаа Элчин сайдын яамны Элчин зөвлөх Г.Бумцэнд 2025 оны 4 дүгээр сарын 2-ны өдөр Олон улсын Ус-орчны инженерчлэл, судалгааны холбоо (IAHR)-ны Ерөнхийлөгч Филипп Гурбесвилийг хүлээн авч уулзав. Уулзалтаар талууд усны салбарын хамтын ажиллагаа болон Үндэсний усны холбооны хүрээнд хамтран ажиллах боломжийн талаар санал солилцов.

Олон улсын Ус-орчны инженерчлэл, судалгааны холбоо 1935 онд байгуулагдсан цагаасаа хойш усны инженерчлэл, ус-орчны шинжлэх ухааны чиглэлээр ажилладаг инженер, судлаач, мэргэжилтнүүдийг нэгтгэн  олон чиглэлээр үйл ажиллагаагаа явуулж иржээ. Тус холбоо нь 100 гаруй улсын төлөөллөөс бүрдсэн, усны салбарын Олон улсын цорын ганц байгууллага юм.