ӨСВӨРИЙН БҮЖИГЧИД ОЛОН УЛСЫН ТЭМЦЭЭНД АМЖИЛТТАЙ ОРОЛЦЛОО

Бээжин хотноо энэ оны 1 дүгээр сарын 16-17-ны өдрүүдэд зохион байгуулагдсан “DANCE WORLD” 12 дахь удаагийн Олон улсын бүжгийн наадамд Монгол Улсын “Dance Garden” студийн Д.Адъяасүрэн, С.Оюунчимэг багштай хамтлаг амжилттай оролцож, үндэсний урлагаа таниуллаа.

Улс орныхоо нэрийг гарган 9-10 насны ангилалд Гранпри шагнал авсан Э.Тэргэл, 11-12 насны ангилалд Тэргүүн байр эзэлсэн Э.Амирлан, А.Хулан, хамтлаг бүжгийн төрөл 7- 8 насны ангилалд тэргүүн байр эзэлсэн “Dance Garden”-2 хамтлаг, 9-10 насны ангилалд Гранпри шагнал авсан “Dance Garden”-1 хамтлагийн залуу уран бүтээлчид мөн тусгай шагнал хүртсэн С.Оюунчимэг болон Д.Адъяасүрэн, Б.Шинэбаяр багш нартаа ЭСЯ-ны зүгээс халуун баяр хүргэж, амжилт хүсье.